Fagor Industrialek ostalaritza eta sukaldaritzaren sektoreko 2013rako joera nagusiak aurkeztu ditu

Oñati, Gipuzkoa, 2013ko otsailak 20-. Ostalaritza, talde handientzako sukaldaritza eta garbitegien sektorean aitzindaria den Fagor Industrial enpresa espainiarrak segurtatu duenez, aldez aurretik doitasunez lan egiteko aukera ematen duten ekipamenduak eta espezializazioa izango dira sektorearen joera nagusiak 2013rako.

Ostalaritza eta sukaldaritzaren sektore espainiarrak erronka ugariri aurre egin beharko die aurten, biztanleriaren erosteko ahalmena gutxitu delako eta establezimendu bakoitzaren baliabideak hobeto kudeatzeko beharra dagoelako, preziorik onenean ahalik eta errendimendurik handiena lortze aldera. "Kalitate berbera eskaini beharra dago, emaitzen kontua ahuldu gabe. Jatetxeetan beharrezkoa da sukalde-ekipo ona izatea, eta hobeto erosteko, aurretiaz janaria prestatzeko, tenperatura jaitsarazteko eta birsortzeko gai izatea", baieztatu du Oier Biritxinagak, Fagor Industrial korporazioko chefak.

Behar horiek kontuan hartuta, Fagor Industrialek 2013rako joera nagusiak aurkeztu ditu ostalaritza eta sukaldaritzarako:

1. Egosketa zehatza eta uniformea. Zailtasunik gabeko sukaldaritza izango da aurtengo joera gastronomikoa. Egosketa iraunkorra joera nagusi bihurtuko da jatetxe espainiarreko suetan, produkturik onena prozesurik sinpleenekin eta gutxieneko kostuarekin egiteko ardatz gisa. Hori lortze aldera, sukaldaritza-prozesuaren zati bakoitzean makinaria espezifikoa erabili beharko da, aldez aurretiko lana erraztu ez ezik, prestatutako janarien egosketa-puntu zehatzari ere eutsi ahal izateko. "2012ko joerarekin jarraituz, aurten labe mistoak izango dira sukaldeko protagonista, negozioari ahalik eta errentagarritasun handiena ateratzeko eta instalazioak optimizatzeko kokapen bertikalari esker ", adierazi du Oier Biritxinagak.

2. Lehengaia hutsean mainatzea. Sukalde espainiarretan jada sendotutako joera da, baina 2013an are ezagunagoa izango da egunerokotasunean sartzearekin batera. Hutseko sukaldaritza prestaketa-metodo bat da, zeinari esker sukaldariek produktuekin kontu handiz lan egin dezaketen eta euren ezaugarri organoleptiko guztiei probetxu atera diezaieketen. Horrez gain, elikagaiak pasteurizatu, esterilizatu edo prestatu ahal dira eta euren iraupena egun edo hilabete batzuez luzatu.

3. Espezializazioa sukaldean. Geroz eta ohikoago da herrialde, produktu, testura edo sukaldaritzako teknika jakinetan espezialista diren jatetxeak topatzea. 2013an sukaldaritza espainiarrak espezializaziorako joera izango du eta, horrela, etxetik irten eta menu bat ordaintzea erabakitzen dutenek egun horretan aukeratu duten modalitateko jatetxerik onenera joango dira. Zentzu horretan, Fagor Industrial gai da, batetik, produktu estandarra eskaintzeko zerbait tradizionala bilatzen duenarentzat eta, bestetik, espezializazioa aukeratzen duenaren neurrirako trajea egiteko.

4. Kontserbaziorako punta-puntako teknologia. Sukalde espainiarrak bizkortasunera ohitu dira eta, ondorioz, produktuak aurretiaz prestatu behar dira eta euren egosketa-puntu zehatza jagon egin behar da zenbait propietate bere horretan utziz, hala nola, zaporea, urrina eta mantenugai nahiz bitaminen ekarpena. Hori lortzeko, geroz eta sarriagoa da kontserbaziorako ekipamenduak erabiltzea, tenperatura jaitsarazteko gailuak kasu, ozta-ozta segundo batzuetan elikagaiak hoztu eta izozteko aukera emateaz gain, osasun-arautegia erabat betetzen dutelako. 2013an jatetxe espainiarren aliaturik onen bilakatuko da aipatu ekipamendua eta, hala, denbora aurreztu ahalko dute, euren kartetan eskaintzen dutenaren kalitatea aldatu gabe.

5. Hozketa banandua. Produktuak egoera onean mantentzeko, modu argian banatu behar dira produktu kozinatuak eta gordinak eta baita lehengai-mota ezberdinak ere. 2013an jatetxeetako hozketa-eremua are banatuago egongo da, hau da, hotz-ganbarak bereizita egongo dira kutsadura gurutzaturik ez gertatzeko. Produktu bakoitzak behar duen tenperaturaren arabera banatuko da espazioa, usainik eta zaporerik ez nahasteko eta amaierako produktuaren kalitatea handiagoa izan dadin. "Jatetxe batentzat alderdirik garrantzitsuena sukalde bakoitzaren espazioak eskaintzen dituen aukerak ezagutzea da eta baita espazioa aprobetxatzeko planteamendua gauzatzea ere. Erosotasuna nahiz zereginen antolamendua errazten duen banaketa bilatu behar da, produktuen egoera bikaina izan dadin", adierazi du Oier Biritxinagak.

6. Neurrira egindako sukaldeak. Jatetxe-formatu berriei eta sukaldaritzaren espezializazioari esker, 2013an neurrira egindako sukaldeak sustatuko dira. Simphony sukaldeen alde egindako apustua 2013an sendotuz joango da espazio bakoitzera egokitzen diren bloke, nahi erako diseinu eta material eta abarren bidez. "Chefak jatetxeak irekitzen dituzte euren ametsetako sukaldea sortzeko ideiarekin; horregatik dira hain garrantzitsuak neurrira egindako egosketa-blokeak, espazio guztiak behar guztietara egokitzeko aukera ematen dietelako", baieztatu du Fagor Industrial korporazioko chefak.

7. Eraginkortasun energetikoa. Aurreztea eta iraunkortasuna eskutik helduta doaz, bai sektorearen joerei bai arautegiari dagokionez. Izan ere, sukaldariak ez du nahi eskuratu dituen ekipamenduen eraginkortasuna murriztea politika horien ondorioz. "Fagor Industrialen -ezin zitekeen bestela izan- urteak daramatzagu gure produktuen eraginkortasun energetikoa lantzen eta hobetzen eta, horrez gain, energia gutxiago gastatzea, ur gehiago aprobetxatzea nahiz funtzionamendu-denbora murriztea ere lortu ditugu, garbiketa- nahiz sikatze-prozesuak bizkortze aldera. Hobekuntza horiek kontsumoa %20 jaistea dakarte berekin", ondorioztatu du Oier Biritxinagak.