Beira-arasak
Itzuli Hotz komertziala EZINBESTEKOA PRODUKTUAK MODU ERAKARGARRIAN ERAKUSTEKO
Sukaldaritzaren sektorean, zenbait elikagairi arreta berezia eskaini behar zaie kontserbatzeko eta aurkezteko orduan. Horregatik, Fagor Professional-en, produktuak erakusteko beira-arasa hotzen zenbait soluzio eskaintzen ditugu.
PINTXOENTZAKO BEIRA-ARASAK
Fagor Professional-en produktu horientzat esklusiboki diseinatutako beira-arasak eskaintzen ditugu.
Altzairu herdoilgaitzezko barne-erretilua hondo enbutituarekin, GN 1/3 askak (40 mm-ko hondoa) hartzeko prestatua, kristalezko ate lerragarri batekin. Ekipamenduek hustubidea dute, hondakin-urak kanporatzeko.
Ingurumena zaintzeko dugun politika dela eta, ahalik eta gehiena murrizten dugu gure tresnen energia-kontsumoa, LED argiztapenaren bidez.
Zenbait neurri eta kristal-forma ditugu (laua edo kurbatua, osokoa).
SUSHIARENTZAKO BEIRA-ARASAK
Sushia erakusteko bereziki diseinatutako beira-arasek lurrunketa-sistema bikoitzeko hozte-sistema estatiko bat dute beheko erretiluan, kristal kurbatuaren azalari atxikia. Horrek lan-tenperatura optimoa sortzeko aukera ematen digu (–1 °C eta 2 °C artean), sushia eta antzeko elikagai delikatuak kontserbatzeko.
Altzairu herdoilgaitzez enbutitutako barne-erretilua, zulatua eta sushi-platerak zuzenean hartzeko prestatua. Barrura iristeko kristalezko ate lerragarri bat du.
Larrialdiko hustubide bat jartzen dugu hondakin-urak husteko, eta, hala, merkatuko higienikoenetako bat da.
Ingurumena zaintzeko dugun politika dela eta, ahalik eta gehiena murrizten dugu gure tresnen energia-kontsumoa, LED argiztapenaren bidez.
